Алматы қаласы Білім басқармасының
"№15 санаториялық мектеп-интернат" коммуналдық мемлекеттік мекемесі

25 мамыр – білім мен тәрбиенің, ізденіс пен еңбектің қорытындыланатын ерекше күні. Соңғы қоңырау мерекесі – әр оқушының жүрегінде сақталатын жарқын сәттердің бірі. Мектеп – білімнің алтын ордасы. Осында алған тәлім мен тәрбие, ұстаздардың ыстық ықыласы мен шәкірттердің талпынысы болашаққа бастар сенімді қадамға айналады. Барша ұстаздарды, оқушыларды және ата-аналарды оқу жылының аяқталуымен құттықтаймыз! Әр шаңыраққа қуаныш, табыс пен толағай жетістіктер тілейміз! 💐 📚 Білімді ұрпақ – ел

Мектебімізде 4-сынып оқушыларына арналған «Бастауышпен қоштасу» кеші өтті.Кеш барысында оқушылар өз өнерлерін көрсетіп, ән айтып, би билеп, бастауыш сыныппен қимастықпен қоштасты. Ұстаздарына алғыстарын білдіріп, жүрекжарды тілектерін жеткізді.Бұл әсерлі кеш оқушылардың есінде ұзақ сақталып, жаңа белеске бастар жарқын қадамдардың бірі болды.

«Білімім – Отаныма!» республикалық сынып сағаты аясында мектебіміздің сынып оқушылары арасында эссе жазу байқауы өткізілді. Байқау барысында білім алушылар өз ойларын еркін жеткізіп, Отанға деген сүйіспеншілігі мен азаматтық ұстанымдарын шығармашылық жұмыстарында айқын көрсете білді. Әрбір эсседе ел болашағына деген сенім, білімнің маңыздылығы және туған жерге деген құрмет ерекше байқалды.

Сейсенбі-сергіту жаттығу күні!

7 мамыр – Отан қорғаушылар күні және🏅 9 мамыр – Ұлы Жеңістің 81 жылдығына орай мектебімізде мерекелік іс-шара өткізілді. 🎤 Іс-шара барысында оқушылар патриоттық әндер айтып, 📖 өлеңдер оқып, өз өнерлерін көрсетті. 🪖 Ел қорғаған батырларымыздың ерлігі дәріптеліп, жас ұрпаққа отансүйгіштік рух берілді. ❤️ Бұл тағылымды шара оқушылардың бойында Отанға деген құрмет пен мақтаныш сезімін арттырды.

Оқушыларымызбен бірге тыл ардагерлері Исмаилова Күлсын, Дрыгина Зинаида, Исламов Закирді арнайы барып, Жеңіс күні мерекесімен құттықтадық. Оқушылар ән айтып, жүрекжарды тілектерін жеткізді. Сіздердің еңбектеріңіз бен ерліктеріңіз біз үшін үлкен үлгі. Сіздерге зор денсаулық, ұзақ ғұмыр тілейміз, құрметіміз шексіз!

«Бір апта – бір әлем» атты эстетикалық және негізгі пәндер апталығының жабылуы спорттық эстафеталық ойындармен қорытындыланды. Апталық барысында ұйымдастырылған түрлі іс-шаралар оқушылардың білімін арттырып қана қоймай, олардың белсенділігі мен шығармашылығын дамытуға ықпал етті. Ал қорытынды бөлімде өткен эстафеталық ойындар оқушыларға көтеріңкі көңіл күй сыйлап, ұйымшылдық пен достықты нығайтты. 📚🎉 Білім мен спортты ұштастырған мазмұнды апталық өз мәресіне жетті!

Оқушыларға төтенше жағдайлардың алдын алу және қауіпсіздік ережелерін түсіндіру мақсатында сейсмикалық қауіпсіздік тақырыбында ақпараттық-түсіндіру жұмыстары жүргізілді.Іс-шара барысында жер сілкінісі кезінде дұрыс әрекет ету жолдары, қауіпсіз орындарды анықтау, эвакуация тәртібі және алғашқы көмек көрсету ережелері таныстырылды.Аталған жұмыстың мақсаты – білім алушылардың төтенше жағдайлар кезіндегі сауаттылығын арттыру, жауапкершілікке баулу және қауіпсіздік мәдениетін қалыптастыру.

«Бірлік бар жерде – тірлік бар» тақырыбында тәрбие сағаты өткізілді.Сабақ барысында оқушыларға бірлік пен татулықтың маңызы түсіндіріліп, қоғамдағы ынтымақтың рөлі туралы ой қозғалынды. Оқушылар белсенді қатысып, өз пікірлерін білдіріп, бірлікке үндейтін құндылықтарды ұғынды. І бөлім (10 минут): «Көмек – ізгілік негізі» Бұл бөлімде оқушыларға өзара көмек көрсету, қамқорлық пен жанашырлықтың маңызы түсіндірілді. Өмірлік мысалдар келтіріліп, оқушылар арасында пікір алмасу ұйымдастырылды. ІІ бөлім

«Бір шаңырақ астында» атты бірлік күніне арналған мерекелік концерт ерекше көңілді атмосферада өтті ✨Кеш барысында түрлі ұлттардың ұлттық тағамдары ұсынылып, дастархан жайылды. Әр халықтың мәдениеті мен дәстүрі таныстырылып, сахнада әсем әндер шырқалып, түрлі билер биленіп, қызықты өнер нөмірлері көрсетілді. Бұл шара бірлік пен татулықтың, достық пен сыйластықтың жарқын көрінісіне айналды. Бір шаңырақ астындағы ынтымағымыз арта берсін!