Рухы мықты елдің ұрпағы – жеңімпаз

Республика күні мерекесіне орай «№15 Санаториялық мектеп-интернаты» КММ-де оқушыларға патриоттық тәрбие беру, спортқа деген қызығушылықтарын арттыру мақсатында 
«Рухы мықты елдің ұрпағы – жеңімпаз»тақырыбында спорт әлемінің үздіктерімен кездесу ұйымдастырылды.

Іс-шараның арнайы қонақтары: 
🔹 Ғұмар Қырғызбаев – Қазақ күресінен Әлем және Азия чемпионы, қазақ күресінен халықаралық дәрежедегі спорт шебері, дзюдо күресінен әскерилер арасындағы әлем чемпионатының қола жүлдегері. 
🔹 Жасұлан Қыдырбаев – Ауыр атлетикадан Әлем чемпионы, халықаралық дәрежедегі спорт шебері, Қазақстан Республикасының еңбек сіңірген спорт шебері.

Кездесу барысында спортшылар өздерінің жеңіс жолындағы тәжірибелерімен, қиындықтарды еңсеру жолдарымен бөлісіп, оқушыларға жігер, сенім және табандылықтың маңызын жеткізді. Іс-шара жас буынға салауатты өмір салтын ұстануға, ұлттық құндылықтарды құрметтеуге және ел намысын қорғауға бағытталды.