07
май
2021
ҚР эстрада жұлдызы Жігер Ауыпбаев қонақта
Бүгін бізде ерекше қуанышты күн! Нақтырақ айтқанда бұл қуаныш нағыз оқушыларымыз үшін өте әсерлі кеш болды. Себебі мектеп-интернатымызға ҚР эстрада жұлдызы, өзі қарапайым, өзі де мектеп-интернатта оқыған Жігер Ауыпбаев қонақта болды. Ауырғанның жанын ауырған адам ғана түсінеді демекші, Жігер өзі мектеп-интернатта оқып жүргендегі оқиғаларымен, әнші болу мақсатына жету үшін қаншама ауыр да, қиын кезеңдерден өткендігін айтып, оқушыларымызға өте керемет мотивация берді. Оқушылар тарапынан қойылған сұрақтарға толық жауап беріп, жақсы оқу және үздік тәртіп арқылы өздері қалаған арманға қол жеткізуге болатындығын айқындап берді. Гитара және домбыра аспаптарында ойнап оқушыларымызды билетіп, бірге әнін де шырқап үлгерді. Қолтаңба беріп, жүрекжарды тілегін жеткізді. Жігер имандылығымен, ақылдылығымен және парасаттылығымен оқушылардың жүрегінен орын таба білді.@akimat_nauryzbai_audany