«Жақсының өзі өлсе де, аты өлмейді»

«Жақсының өзі өлсе де, аты өлмейді»-деп дана қазақ текке айтпаса керек. Қазақтан шыққан тұңғыш Олимпиада чемпионы, ҚР Еңбек сіңірген жаттықтырушысы марқұм ағамыз Жақсылық Үшкемпіровтің жасаған игі істері ел есінде. Бүгінде ардақты ағамыздың ізін ұлы «Жақсылық» ШҚ-ның басшысы Елдос Үшкемпіров ағамыз жалғастыруда. Бүгін Елдос Үшкемпіров ағамыздың өзі келіп, оқушыларға дайындаған сыйлықтарын, сонымен қатар грек-рим күресінен қазақстандық және бұрынғы Кеңес Одағының палуаны, КСРО және Қазақстанның Еңбек сіңірген спорт шебері, Дәулет Тұрлыханов ағамыздың отбасы тарапынан жолданған арнайы спонсорлық көмегін(футболка, скакалка, кітап, доп т.б) табыстады. Жақсылық жасау үшін адам бойында адамгершілік, жанашырлық, мейірімділік сезімдері мен жылы жүрегі болуы керек. Осы айтылған қасиеттердің бәрі ағаларымыздың бойынан табылады. Оқушыларымыз болашақта Жақсылық Үшкемпіров, Дәулет Тұрлыханов ағаларындай чемпион, нағыз батыр әрі ел патриоты болады деп сенеміз! Сіздерге және Сіздердің отбасыларыңызға мектеп ұжымы атынан зор денсаулық, қажымас қайрат, мол бақыт тілейміз!@eldos_ushkempirov
@akimat_nauryzbai_audany
@naurizbay_nur_otan