Асхат Ералиев шығармашылығынан

Мейлі біреу байқасын байқамасын,
Байқаса да, кішірмей пай-пайласын
Жолында ақиқаттың күресермін,
Иманның білем одан шайқалмасын.

Ұстаздық бертіндегі мамандығым,
Тілеймін ұстаздардың амандығын.
Ал ақындық ұшқыны, туа біткен
Қанымда бар болған соң қаламдымын.

Өтті ғой бізге дейін талай ақын,
Елі үшін болашақ алаңдайтын.
Менде солар ізімен жүріп келем,
Білдірейін құндыны санамда айқын.

Бірлікті ең әуелі бекемдеңдер
Бірліксіз тірлік болмас деген кілмен
Мансап, атақ, ақша деп жүз бөлінбей,
Ынтымақ қыл, бірігу деген тілмен

Ал екінші мәселе туған тілім.
Онсыз жер де болмайды елде тыным
Мәртебесін көтерер іс жасаңдар
Бағдарлама бағыттың барлық түрін.

Үшіншіден жемқормен жойқын күрес,
Тайраңдаған ашкөздер тойдым демес.
Кедейленіп барады ел жұртымыз
Құныққандар "тоқтадым, қойдым" демес.

Ал төртінші бағытты жастарға бұр
Көпірмей жалған сөзді ақтара құр.
"Қатырдық" деп сайратып қоймаңыздар,
Теледидар арнасын қақсата құр
Көздеріне жастардың қан толдығой,
Несиеден шыға алмай қайғы алдығой.
Жастар, жастар,жастар деп жүргеніңде
Сол жастарың бүгінде шал болдығой.
А. Ералиев