"Сенімен болашақ" ұйымының өкілдерімен кездесуге жауапкершілікті сезініп келген ата-аналарымызға шексіз алғызымызды білдіреміз!

Отбасы - жұртты жақындастырушы, ұрпақ пен ұрпақты табыстырушы, ұрпақаралық тұтастықтың отын жағушы ерекше ұя. Сондықтан да отбасы - барша адамзатқа ең жақын, ең қасиетті ұғым. Әрбір отбасында сүйіспеншілік пен түсіністік мықты болса, қоғамның діңгегі де берік болады. Адам ең алғаш шыр етіп дүниеге келген сәтінен бастап отбасының тәрбиесін алады.
Отбасы деген қасиетті ұғымды тереңірек түсіндіру және өз тәжірибелеріне сүйене отырып ата-аналарға бала тәрбиесіне деген жауапкершілігін нығайту мақсатында "Сенімен болашақ" ұйымының өкілдерімен, яғни тәжірибелі психологтарымен кездесу өтті. Мамандар отбасының адамзат ұрпағына деген ықпалы мен әсер күшін толық жеткізе білді.
Ата-аналар кездесу соңында айтылған ұсыныстар мен кеңестер пайдалы болғандығын айтып, балаға көп көңіл бөліп, ата-аналық парызын орындайтындықтарын жеткізді