Ұлы Жеңіске – 80 жыл

Мектебімізде 9 мамыр – Жеңіс күніне орай, «Ұлы Жеңіске – 80 жыл» атты патриоттық іс-шара өтті. Бұл күн – ата-бабаларымыздың ерен ерлігі мен жанқиярлық батырлығын ұлықтайтын, жүректерге отансүйгіштік рух ұялататын қасиетті мереке.

Іс-шараның мақсаты – Отан үшін от кешкен ардагерлеріміздің ерлігін еске алып, жас ұрпаққа бейбіт өмірдің құндылығын ұғындыру, елге деген сүйіспеншілікті арттыру, патриоттық тәрбие беру.
Шара барысында оқушылар соғыс жылдарынан көріністер қойып, ерлік туралы жырлар оқыды, ардагерлер туралы мәліметтермен бөлісті. Ұлы Отан соғысында қаза тапқан батырларға тағзым етіп, бір минут үнсіздікпен еске алды. Сонымен қатар, “Мәңгілік алау”, “Батырға тағзым” секілді символикалық акциялар ұйымдастырылды.
Жеңіс күні – бұл өткенге тағзым, ерлікке бас ию, болашаққа сенім! Елімізде мәңгілік бейбітшілік пен тыныштық болсын! Батырлар ерлігі – ұрпаққа үлгі, ел жадында мәңгі сақталады.