2019-2020 оқу жылында жүргізілген оқу - тәрбие жұмыстарының есебі

Алматы қаласы Білім басқармасы 

«№15 санаториялық мектеп-интернат» 

коммуналдық мемлекеттік мекемесінде 

2019-2020 оқу жылында жүргізілген оқу - тәрбие жұмыстарының есебі

          Мектеп-интернаттың негізгі міндеттері: білім беру бағдарламаларын оқушылардың меңгеру үшін жағдай жасау; оқушылардың білім алуын, іскерлік пен дағдыларын қалыптастыруды тиісті мемлекеттік жалпыға міндетті білім беру стандартында көзделген деңгейден төмен емес дәрежеде қамтамасыз ету; жеке тұлғаның шығармашылық, рухани және дене мүмкіндіктерін дамыту, адамгершілік пен салауатты өмір салтының берік негіздерін қалыптастыру, жеке басының дамуы үшін жағдай жасау арқылы ақыл парасатын байыту.

Мектеп әдістемелік қызметі – бұл ғылым мен озат педагогикалық тәжірибеге және нақты оқу-тәрбие процесінде негізделген біртұтас жүйе - әр мұғалім өз кәсіби біліктілігін жан-жақты дамытуға, мектеп пен педагогикалық ұжымның шығармашылық потенциалын дамыту мен жоғарылатуға бағытталған. 

Мектепте 5 әдістемелік бірлестік жұмыс атқарады: бастауыш сынып; гуманитарлық пәндер; жаратылыстану-математикалық пәндер; эстетикалық пәндер және дене шынықтыру; тәрбиешілер бірлестіктері. 

Бастауыш сынып әдістемелік бірлестігі «Оқу үшін бағлаудағы кері байланыстың тиімділігі, тренинг», жаратылыстану-математика пәндер бірлестігі «Тиімді сабақ – оқушы мен мұғалімнің жетістікке жету жолы», гуманитарлық пәндер бірлестігі  «Гуманитарлық пәндерді оқыту барысында оқыту құзіреттілігін қалыптастыру және дамыту», тәрбиешілер әдістемелік бірлестігі «Өзіндік тәрбие дамуының сатылары», эстетикалық пәндер бірлестігі «Ұлттық салт-дәстүр ерекшеліктерін жаңғырту арқылы оқушыларды патриотизмге тәрбиелеу»  тақырыбына педагогикалық кеңестерде, «Жаңаша білім беру оқушының сапалы өсуінің жемісі, дөңгелек үстел (Бастауыш мектеп ӘБ), «Сапалы оқытудың тиімді әдіс-тәсілдерін қолдана отырып өзін-өзі дамыта алатын рухани құндылықтарын жетілдіру» (Эстетикалық пәндер ӘБ.), «Жасөспірімдер арасындағы деструктивті құбылыстардың алдын алу» (Тәрбиешілер ӘБ), «Сабаққа қойылатын дидактикалық талаптар» (Жаратылыстану пәндері ӘБ), «Асыл сөзді іздесең, Абайды оқы»  (Гуманитарлық пәндер ӘБ) тақырыбында әдістемелік кеңестерде  өзекті мәселелер талқыланып отырды. Мектеп-интернаттың жылдық жоспарына сай онкүндіктер мен апталықтар жоспарлы түрде ұйымдастырылып, ашық сабақтар, коучинг-семинар, лездемелер, дөңгелек үстел, жаңа форматта ата- аналар жиналысы өткізілді. Мемлекеттік атаулы мерекелер салтанатты түрде ұйымдастырылып отырды. 

Қазақ халқының ұлы ақыны, ағартушысы Абай Құнанбайұлының 175 жылдық мерейтойы қарсаңында әлеуметтік желіде бастау алған «Абай өлеңдерін оқу» эстафетасы біздің мектеп-интернатымызда да оқу жылында өз жалғасын тапты. Ұлы ақынның өлеңдерін жатқа оқу эстафетасына оқушылар, ұстаздар және ата-аналар белсене қатысты. 

 «БАСТАУЫШЫМ – БАСТАМАМ, БІЛІМ ЖОЛЫН БАСТАҒАН» атты апталықтың қорытынды есебі:

Бастауыш сынып апталығы 3-ші ақпаннан 13-інші ақпан аралығында болып өтті. Апталық басталмас бұрын апталықтың жоспары құрылып, әдістеме бірлестігінің екінші отырысында талқыланды және бекітілді.

Апталықтың мақсаты: Пән бойынша оқушылардың қызығушылығын арттыру арқылы белсенділік пен жан-жақты көз қарасын қалыптастыру.

Апталықтың міндеттері:

-оқушылардың білімге деген қажеттілікті саналы түрде түсінуіне жол ашу; 

- әр баланың қабілетін таныта отырып, одан әрі дамуына жағдай туғызу;

 - пән мұғалімдерінің шығармашылығын шыңдау және озат тәжірибені тарату.

Апталық мынадай жоспарда құрылды:

1. Апталықтың ашылуы

2. Ашық сабақтар

3. Сыныптан тыс іс - шаралар

4. Сурет және шебер қолдар көрмесі

5. «Ұлылардың ұлысы - Абай» атты әдеби кеш.

6. Апталықтың жабылуы.

Апталықтың бірінші күні 3-сабақ үзілісінде аппталықтың ашылу салтанатына орай саптүзеу болды. Бұл саптүзеу барысында апта бойында өткізілетін іс - шаралардың жоспары, апталықтың тақырыбы мен мақсаты таныстырылып өтті.

Құрылған жоспарға сай мұғалімдердің ашық сабақтарына тоқталсақ:

Мұғалімдер ашық сабақтарында жаңа форматтағы әдіс-тәсілдерін тиімділігіне қарай шебер қолдана білді. Сабақтардың құрылымы блум такономиясына сай құрастырылды.

Сабақтарға бастауыш сынып мұғалімдері, мектеп әкімшілігі қатысып, талдау жасалып, жақсы баға берілді. Мұғалімдер сабақ өткізудің түрлі формаларын практика жүзінде танытты.

Апталыққа бастауыш сынып оқушылары мен мұғалімдері ерекше көңілмен дайындалды. Апталық кезінде өткізілетін ашық сабақтар мен іс-шаралардың жоспары құрылып мектеп директоры Мустагулова Д.Ж.бекітті. Апталық қарсаңында бастауыш сынып оқушылары оқитын мектептің 1 қабаты тақырыпқа, мерекеге сай шарлармен, апталықтың түсті қағаз бетіне басылған атымен, түрлі әдемі суреттермен, қабырға газеттерімен, гүлдермен безендірілді.

Бастауыш сынып апталығы 4 ақпан күні 3 сабақтан кейін болатын үзілісте апталықтың ашылуын өткізуден басталды. Ашылу салтанатына барлық бастауыш сынып оқушылары қатысып, өнерлерін көрсетті. 4 сынып оқушылары Абай атамыздың 175 жылдық мерейтойына байланысты жаттаған өлең қара сөздері жолдарын мәнерлеп оқып берді. Басқа да мәліметтер берілді. 

Онкүндіктің келесі күні ашық сабақтармен жалғасын тапты.

4 ақпанда 2 «А» сыныбында қазақ тілі пәнінен «Жұрнақ пен жалғау»тақырыбында ашық сабақ өтті.Сынып жетекшісі: Әлдибай А.А

Мұғалімнің сабақ жоспары әдістемелік талап тұрғысына сай жоғары деңгейде құрылған. Сабақта жаңа ақпараттық технология негізінде әдіс-тәсілдер қолданылды. Оқушылар өздігінен жұмыстар жасай ала отырып сабаққа атсалысып отырды.

Сабақта күнделікті өмірмен байланысқа ,сөздерді талдау, сөйлеу дағдыларына тәрбиелік кезеңдеріне көп көңіл бөлінді. Өздік жұмыс, қабілетті оқушылармен жеке жұмыс жүргізілді.Қабілеті төмен оқушылармен жұмыс жасауға көп көңіл бөле отырып,алған білімдерін тұрақтандыру үшін лайықты тапсырмаларды оңтайлы бере алады. Сабақ өз мақсатына жетті. Топ бірін-бірі, топ ішінде бағалай алды.

Ұсыныс: Бағалау парағын дұрыс қолдану. Уақытты ұтымды пайдалану.

 5 ақпанда 3 «А» сыныбында қазақ тілі  сабағы «Зат есімнің тәуелденуі» тақырыбында ашық сабақ болды. Сынып жетекшісі: Омарова Қ.Т.

Мұғалімнің сабақ жоспары әдістемелік талап тұрғысына сай  жоғары деңгейде  құрылған. Сабақ дамытушылық бағытқа құрылды. Оқушылардың жазбаша жазу дағдыларына көп көңіл бөлініп, қазақ тілдік терминдер меңгеріліп, қиындық туғызатын тапсырмалар орындауға көмек көрсетілді. Сабақта жаңа  ақпараттық технология құралдарын көрнекті құрал ретінде қолданылды.

Ұсыныстар: Сабақта берілген тапсырмаларды баланың жас ерекшелігіне сай түрлендіріп отыру.

5 ақпанда 4 «Б» сыныбында әдебиеттік оқу пәнінен «Отамалы» тақырыбында ашық сабақ өтті.

Мұғалімнің сабақ жоспары жас ерекшелігіне байланысты әдістемелік талап тұрғысына сай деңгейде құрылған. Интербелсенді әдіс-тәсілдерді сабақ кезеңдеріне сай ұтымды пайдалана білді. Соның ішінде оқушының атмосферасын көтеру мақсатында шаттық шеңбері аясында тілек айту арқылы бір-біріне көтеріңкі көңіл, жағымды атмосфера туғызды. Тақырыпты ашу мақсатында видеоның көмегімен оқушыларға сыни тұрғыдан ойландыратын өз бетінше шешім шығаруға, өз ойын ортада еркін түрде білдіруге бағыт берді. Әдістерде: Джиксо әдісін қолданды.

Ұсыныстар: Көшбасшы ретінде оқушыға бағыт-бағдарды тиімді беру керек. Оқушыны өз ойын ашық айтуға төселдіру. Интербелсенді әдістерді үнемі сабақ үрдісінде пайдалану.

6 ақпан күні 4 «А» сыныбында дүниетану пәнінен «Жасанды ортадағы қауіп-қатерлер» тақырыбында ашық сабақ өтті. Сынып жетекшісі: З.А.Абдулаева 

Сабақ 5 кезеңнен тұрды.Мұғалім сабақта әртүрлі әдіс-тәсілдер қолдана отырып,сабақты қызықты,мазмұнды өткізуге тырысты. (сұрақ-жауап, түсіндіру, іздендіру) Тәжірбие, қайталаулар арқылы теориялық білімдерін практикалық жолмен дәлелдеп бере алады Оқушылар сабақта белсенді қатысып отырды. Әдебиет, тарих сабақтарымен байланысты болды Мұғалімнің сабақ жоспары әдістемелік талап тұрғысына сай жоғары деңгейде құрылған. Сабақта жаңа ақпараттық- технология негізінде әдіс-тәсілдер қолданылды. Сабақта оқушылардың жеке жұмыстары, сөйлеу дағдыларына, тәрбиелік кезеңдеріне көңіл бөлінді.Өздік жұмыс,қабілетті оқушылармен жеке жұмыс жүргізілді. Сабақ өз мақсатына жетті.

Ұсыныстар: Бағалауды дұрыс ұйымдастыру. 

6 ақпанда 4 «В» сыныбында орыс тілі пәнінен «Изменение глаголов в прошедшем времени по родом и числам» тақырыбында ашық сабақ болды. Сынып жетекшісі: Уласанова М.А

Сабақтың мақсаты: ойлау қабілетін дамыту, ойын түсінікті етіп жеткізе білуге баулу, сыни тұрғыдан ойлауды дамыту, топтық жұмысқа бейімдеу, өзін-өзі реттеу. Сабақта интербелсенді әдіс-тәсілдерді: «Жедел ойлау стратегиясы», «Кубизм» қолданды. Оқушылардың сабаққа деген қызығушылығын арттыру үшін бірінші ынтымақтастық атмосферасын құрудан бастады. Оқушының жас ерекшеліктерін ескерді.  Оқытуды басқару және көшбасшылық модулін басшылыққа ала отырып, топ ішінен белсенді ұйымдастыру қабілеті жоғары жауапкершілігі мол оқушыларды шығару мақсатында топтарға өз ішінде қызметтерін бөліп берді. Топ басшыларын бес саусақ арқылы бөліп алды.

Ұсыныстар: Әдістемелік бірлестікте іс-тәжірибесін жинақтап, тарату.

12 ақпанда  1 «Б» сыныбында сауат ашу және жазу негіздері пәнінен «Б  дыбысы мен әрпі» тақырыбында ашық сабақ өтті. Сынып жетекшісі: Әбілжанова А.Ә.

Сабақтың мақсаты: Б дыбысы және оның әріп таңбасымен таныстыра келіп, Б дыбысы бар сөз, сөйлем ойлап табуына назар аудару. Балалардың тілдік, сөздік корына мән беріп ойлау қабілетін, қиялын дамыту (буын, сөз құрау, жұмбақ шешу т.б.) Оқу іс-әректеті барысында еңбектенуге, ұқыптылыққа тәрбиелеу. Жазуға қолдарын жаттықтыру. Кеспе әріп, әріп таңбасы, текшелер, суреттер, слайдтарды көрнекілік ретінде пайдаланды. Сұрақ-жауап, түсіндіру, ойын әдіс-тәсілдерін қолданды. . Оқушылар сабаққа үлкен қызығушылық танытып, белсене қатысты. Мұғалімнің сабаққа дайындаған көрнекі құралдары эстетикалық талғамға сай болды. Мұғалім сабақты түсіндіру, сұрақ-жауап, көрнекілік әдістеріне сүйене отырып жүргізді. Сабақ кезінде ойын элементтері орынды қолданылды. Оқушылар дыбыстық талдау жасап, өз ойларын, табиғат құбылыстары туралы білетіндерін айтумен болды. Бағалау кезеңінде мұғалім бағдаршам түстерін қолданды.

Ұсыныстар: Сабақ барысында орыс тіліне бейім балаларды ойын еркін айтуға үйрету.

12 ақпанда 1«А» сыныбында дүниетану пәнінен «Мен қазақпын»тақырыбында ашық сабақ өтті. Оқушылар өте тәртіпті, ынталы қатысты және топпен жұмыс жасай білді. Мұғалім оқушылармен тығыз байланыста екенін, сонымен бірге мұғалімнің шеберлігі жоғары екенін көрсете білді. Әр тапсырма сайын бағалау парағы толтырылып отырды. Сабақ соңынды оқушылар бағалау парақшаларын өздері санап, жазды. Бұл оқушыларды өз өзін бағалай білуге үйренсе екінші жағынан санауға үйренді.

Онкүндік аясында Абай Құнанбаевтың 175 жылдығына арналған сабақтан тыс іс-шараларда өтті. Соның бірі 1 «Б»  сыныбы  «Абай дана-Абай дара» атты тәрбие сағаты болды. Тәрбие сағатына оқу ісінің орынбасары А,Б. Жанакунова, тәрбие ісінің меңгерушісі А.И.Есимбекова және бірлестік мүшелері қатысты.

Тәрбие сағатының мақсаты: Ұлы ақынның 175 жылдығына орай ақынның өнегелі өмірімен таныстыру, шығармаларына шолу жасау, өлеңдерін, әндерін мәнерлеп айтқызу. 

-Абай шығармашылығын сүйіп оқуға, өмірін, қасиеттерін үлгі ете отырып, білім-ғылымға құмарларын арттыру.

-Жас ұрпақты Абай шығармашылығын танып өсуге тәрбиелеу, адамгершілікке, табиғат әсемдігін түсінуге тәрбиелеу жетістіктерін айта отырып, оны мәңгі есте сақтау керектігін түсіндіру. Оқушыларды Отанды сүюге, туған жерге сүйіспеншілігін арттыруға, саналылыққа, ұқыптылыққа, тәрбиелеу болды.

6 ақпанда «Суреттер сөйлейді» сайысымен жалғасын тапты.

7 ақпанда «Мен және отбасым» атты лездеме 1-9 сыныптар оқушылары қатысты. Оқушылар үлкен қызығушылық танытып, лездемеге белсене қатысты.   Сұрақтары жас ерекшеліктеріне сай болды. Оқу бағдарламасы бойынша тапсырмалар.

Нәтижесінде: әрбір сыныптар жеке – жеке бағаланды.

1 «А» сыныбында сабақтан тыс  «Кітап-асыл қазына» атты тәрбие сағаты өтті.Тәрбие сағатының мақсаты:

Оқушыларға білімнің кітап арқылы  берілетінін ұғындыру. Кітаптың жасалу жолы туралы түсінік беру. Зейінін шоғырландыру, шығармашылық қабілетін, тіл байлығын,  ой-өрісін дамыту. Оқулықты құрметтей білуге, ұқыптылыққа, адамгершілікке тәрбиелеу. Тәрбие сағаты барысында оқушылар кітаптың шығуы туралы ол үшін қаншама адам тер төгетіні туралы толық мағлұмат ала алды.Өздері өз еңбектерімен кітап түптеп көрсетті.Оқушылардың жақсы көрініс көрсеткені үшін және де кітапты құрметтеу жайында жаттаған тақпақтары үшін естіп  білген ертегілер кейіпкерлерін ажырата алғандары үшін марапатталды.

Бұл апталықта бастауыш сынып мұғалімдері жеті модуль бойынша оқытудағы жаңа әдіс-тәсілдерді кеңінен қолдана білді, оқушылардың білім алуға қызығушылығын арттырды, өз шығармашылықтарын шыңдап, педаглогикалық шеберліктерін көрсете білді. Оқушылар пән бойынша жақсы білім көрсеткіштерін көрсетті және білімдерін шыңдады. Бұл бастауыш сынып мұғалімдерінің ерінбей еткен еңбегі, өзара ынтымақтастықпен жұмыс істеуі арқасында келген жетістік деп ойлаймын. Оқу әрқашан қызықты болуы қажет. Сол кезде ғана жетістікке жетесің. Қызметтік қабілеттің бірден-бір қалыптасудың жаңа танымдық қатынасы апталық пәнді өткізу болып табылады.

Мектеп оқушылары пәнге деген қызығушылығын арттыруға және оқушылардың мотивациясын көтеру үшін біздің мектепте жыл сайын пән аптылығы өткізіледі.

Пән апталығы оқушылардың шығармашылық потенциалын ашты. Пән апталығы барысында барлық мұғалімдер шығармашылық атмосфера құрып, ұйымдастырушылық қабілеттерін жақсы танытты. Оқушылары сабақта , әр түрлі жағдайда, сонымен бірге қиын сұрақтарды шешу кезінде өзара бір-бірлеріне қолғабыс жасап, жақсы білімдерін көрсетті.

2019-2020 оқу жылындағы жетістіктері

• Елбасы Н.Ә.Назарбаевтың бастамасымен Болашақ бағдар «Рухани жаңғыру» бағдарламасының «Білімнің салтанат құруы» бағытын басшылыққа ала отырып IQ Ehncation ұйымдастырған математика және логикадан ІІІ дәрежелі диплом Берисхан Айша, сертификат Сәрсенбек Жанасыл.
• Дарын республикалық ғылыми-практикалық орталығы «Кенгуру-математика барлығы үшін» халықаралық зияткерлік конкурсы І орын диплом Қадыр Суан, Камалбек Альбина, Ағабекұлы Сұлтанхан, ІІ орын диплом Сәрсенбек Жанасыл, ІІІ орын диплом Тоқтар Ұлан, сертификат Берисхан Айша, Үсембек Әмірхан.
• «Kemel Academy» ұйымдастырған «қызықты математика және логика» ІІІ орын диплом Сәрсенбек Жанасыл.
• «Абай – дана, Абай – дара қазақта» шығармашылық байқау «Өрлеу» порталынан І дәрежелі диплом Тоқтар Ұлан, Камалбек Альбина, Ағабекұлы Сұлтанхан.
• «Өрлеу» порталы Әбу Насыр әл-Фарабидің 1150 жылдық мерейтойына орай ұйымдастырылған іс-шарада І дәрежелі диплом Алибекқызы Гүлден, Тюмей Меруерт, Бақыт Әмірхан, Фуат Нұржан.
• Ұлы ақын Абай Құнанбаевтың 175 жылдық мерейтойына орай ұйымдастырылған іс-шарада І дәрежелі диплом Алибекқызы Гүлден,Тюмей Меруерт, Бақыт Әмірхан, Фуат Нұржан.
• Дарын республикалық ғылыми-практикалық орталығы «Кенгуру-математика барлығы үшін» халықаралық зияткерлік конкурсы І орын Алпысбаева Амина, Бастаубаева Кәусар, Шәмшібек Нұрайым, ІІ орын Оралхан Асқар, Имакова Айдана, Аблежан Алина.
• «Өрлеу» порталы Әбу Насыр әл-Фарабидің 1150 жылдық  және ұлы ақын Абай Құнанбаевтың 175 жылдық мерейтойына орай ұйымдастырылған «Асыл ақыл-ойдың алыптары» атты республикалық байқауға қатысып, «Бәсекеге қабілетті білімді ұрпақ» номинациясымен  І дәрежелі диплом Бимахан Нұрай, Зұпыхар Жұлдыз, Уали Адина, Ермек Нұрай, Ағабекұлы Дарын, Әбдіқан Назерке құрмет грамотасы жетекшісі Жұмабеков Нұржан Нұрманбетович.