Оқушысын интернаттың көзбен көр

Ой қозғатар ой бөліссе құнды дер
Өмір жүгін көтермесе сынды дер
Көргің келсе әлеуметтік өмірді
Оқушысын интернаттың көзбен көр
Көздерінен оқи алсаң мұңдарын
Сенің-дағы жетістігің, шын бағың
Кей анадан ала алмаған мейірді
Ұстаз берсе оған тағар барма мін?
Жоқшылықтың тартса әбден азабын,
Білерсіңдер кіре қоймас ажарың
Аз қамтылған отбасыға, балаға
Бөлсе деймін бай-бағлан назарын
Бірі келер бір киерге киім жоқ.
Бірі келер үйі суық, күйім жоқ
Жалдап тұрған пәтерлерін көргенде
Интернатым арқаланар жүгің көп.
Бір ана бар, бала жайын толғанбас
Бір ана бар, өзін-өзі қолға алмас
Бір ана бар ұл, қызы үшін жан қиса
Бір ана бар ешқайсысы үшін қайғы алмас.
Жалғысбасты, көпбалалы аналар
Жағдайды ойлап интернатты жағалар
Жеті күннің бес күнін бірге өткізер
Ұстаздарға жәутеңдеген балалар
Бұл интернат нағыз істің мекені
Ыбырайдай ұстаздықтың шебері
Көңілін тауып балаларды қуантып
Қағазбенен өлшенбейтін беделі
Адал ұстаз адал ұрпақ символы
Бұза алмас арамдардың пиғылы
Түсінер деп мінбедегі бектерім
Жазды мұны Оңтүстіктің тұйғыны
АСХАТ ЕРАЛИЕВ