Өмірдің бір қызығы - бала деген

Қарым – қатынас жасау барысында шәкірттер өздерінің мұғалімге деген қатынастарын көрсетеді. Ұстаздар мен шәкірттер арасындағы қарым – қатынас әрдайым келісімді, өзара түсініскен, шынайы қатынас бола бермейді. Қатынастардың әрқашанда жақсы бола бермеуі ұстазға да шәкіртке де байланысты. Біз сол дұрыс қарым-қатынасты орнату мақсатында, оқушылармен ұстаздарымыз бірге кез-келген іс-шараны бірлескен түрде өткізуге тырысамыз. "Өмірдің бір қызығы - бала деген" деп бекерге айтпаса керек. Баланың дұрыс өсуі үшін, онымен бірге жүріп, соның дәрежесіне түсу керек. Олар үшін мотивацияның рөлі ерекше. Сол үшін де біз оқушыларды ҚР танымал актерларымен, әншілерімен кездесу ұйымдастырып отырамыз. Қазіргі таңда мектеп-интернатымызда спорттық іс-шаралар, әртүрлі өнер үйірмелері жұмыс істеуде. Күн шуағын шашып, көктем өз жасыл алаңын жерге төсегенде, оқушыларды серуенге, таңғы жаттығуларға, эстафеталық жарыстарға жиі-жиі шығарып отырамыз.