Ата-аналар жиналысы

Отбасы күніне орай мектебімізде ата-аналар жиналысы өткізілді.  Жиналыстың негізгі мақсаты – ата-ана мен мектеп арасындағы байланысты нығайту, бала тәрбиесіндегі отбасының рөлі мен маңыздылығын айқындау болды.
Жиын барысында ата-аналарға оқушылардың оқу үлгерімі мен тәртібі жайлы мәлімет берілді. Сонымен қатар, Президент Жолдауында айтылған білім беру саласына қатысты өзекті бағыттар талқыланып, ата-аналарға түсіндірілді.

Жиында бүгінгі қоғамдағы күрделі мәселелер – буллинг пен жасөспірімдер арасындағы суицидтің алдын алу жолдары да қарастырылып, ата-аналарға баламен дұрыс қарым-қатынас жасаудың, қолдау көрсетудің маңызы айтылды.

Сонымен бірге, ата-аналарға мектептің ішкі тәртіп ережелері таныстырылып, оқушының қауіпсіздігі мен жауапкершілігіне қатысты талаптар түсіндірілді.
Отбасы – қоғамның ең басты ұясы. Осы орайда өткізілген жиналыс ата-ана мен мектеп арасындағы ынтымақ пен өзара түсіністікті арттыруға үлкен үлес қосты.