Адам папиллома вирусы

Бүгін 5–6 сынып оқушылары арасында осы тақырыпта диктант ұйымдастырылды. Іс-шара тек оқушылардың сауаттылығын тексерумен шектелмей, олардың аталған мәселеге қатысты түсінігін кеңейтуге бағытталды.

Адам папиллома вирусы (HPV) – әлемде жиі кездесетін жұқпалы аурулардың бірі. Ол негізінен тері мен шырышты қабаттарға әсер етеді. Егер алдын алу шаралары жасалмаса, түрлі ауруларға әкелуі мүмкін. Дүниежүзілік денсаулық сақтау ұйымы HPV-ге қарсы екпені жастардың денсаулығын қорғаудағы маңызды қадам деп есептейді.

Осыған орай өткізілген диктанттың негізгі мақсаты – оқушылардың екпенің қажеттілігін түсінуіне ықпал ету және олардың денсаулыққа деген жауапкершілігін арттыру болды.

✅ Денсаулық – ең қымбат байлық!