«Нұр Отан» партиясының «Халық үніне құлақ асатын мемлекет» тұжырымдамасы
Қазақстанның ең ірі, жетекші саяси партиясы – «Nur Otan». 1999 жылы негізі қаланған партияның Төрағасы – Қазақстан Республикасының тұңғыш Президенті Нұрсұлтан Әбішұлы Назарбаев миллиондаған қазақстандықтарды партия қатарына жинады.
Қазақстанның қазіргі заманғы барлық табыстары мен жетістіктері елдің басты партиясы мен оның көшбасшысы – Нұрсұлтан Назарбаевтың қызметімен тікелей байланысты екенін зор сеніммен айта беруге болады.
2021 жылдың 10 қаңтарында Қазақстан Республикасы Парламенті мәжілісінің және маслихаттарының депутаттарын сайлау науқаны өтті. Сайлауға 5 партия түскен еді. Сайлау қорытындысы бойынша «Nur Otan» саяси партиясы 71,09 пайыз жинап өтті.
«Нұр Отан» партиясының сайлауалды «Халық үніне құлақ асатын мемлекет» тұжырымдамасын іске асыру аясында партия төрағасының бірінші орынбасары Бауыржан Байбек «Мақсаты айқын, нақты істер партиясы ретінде «Nur Otan» барлық деңгейде өзінің сайлауалды уәделерін іске асыруды қамтамасыз етеді. Қиындықты еңсеріп, жеңіске бірге жетеміз!» деп жазды fasebook парақшасында.