Наурыз мерекесі құтты болсын!

Наурыз мерекесі құтты болсын!

Алматы қаласы Білім Басқармасы №15 Санаториялық мектеп интернатында 22-Наурыз «Ұлыстың Ұлы күні» мерекесіне орай «Армысың, әз Наурыз» атты өткізілген мерекелік іс-шарасының есебі
№15 санаториялық мектеп-интернатымызда Наурыз айының 18-і күні Ұлыстың Ұлы күніне арналған мерекелік іс-шараның мақсаты:
Оқушылардың ойлау, қабылдау, зейін қабілеттерін дамыту. Грамматикалық жүйелі сөйлеуге, оқушылардың мерекелік көңілін көтеруге, елге деген сүйіспеншілікпен бірге, салт-дәстүрді құрметтеуге тәрбиелеу.
Қазақтың ұлттық ойындарын(асық, арқан тартыс), ұлттық киімдерін, ұлттық ертегілерін (алдаркөсе, тазша бала, қожанасыр) насихаттаумен қатар, ұлттық аспаптарының үнін (қылқобыз, домбыра, тұяқ) оқушылардың бойына сіңіру.
Қазақтың төл мерекесі наурыз мейрамы қазақ халқы үшін ғана емес, барлық түркі халықтарының мерекесі. Мектебіміздің талантты оқушылары, ұлттық саз аспаптарының, қолөнер бұйымдарының, ұлттық ойындардың ерте заманнан келе жатқан қазақ ұлтымыздың ажырамас бөлігі екенін ұғынды.
Дәстүрлі қазақ қоғамында Ұлыс күні жыл басы саналған. Халықтың мифологиялық түсінігі бойынша 21 наурыз түні даланы Қыдыр аралайды. Ұлыс күні қазақ елі үшін әрқашан қасиетті, киелі саналған. Халық таза, жаңа киімдерін киген. Ауылдың ер адамдары бір-бірімен қос қолдасып, төс қағыстырады; әйелдер құшақтасып, бір-біріне игі тілектер айтады. Бірін-бірі мерекеге арнап дайындалған наурыз көже ішуге шақырады.