Мектебімізде «Өнер» кабинеті ашылды

15 мамыр Отбасы күніне орай, 15 мектеп- интернатында «Өнер» кабинеті ашылды. Оқушыларымыздың танымдық, еңбексүйгіштік қабілеттерін дамыту мақсатында« Қолөнер- ұлт қазынасы атты көрме ұйымдастырылып, көрмеге оқушылардың қолдан жасаған кестелері, тоқыма мен моншақтардан жасалған, ағаштан күйдіріліп жасалған үздік бұйымдары қойылды. Халқымыздың ежелден желісі үзілмей келе жатқан көне де, ізгі дәстүрлерінің бірі — жас ұрпақты сәндік- қолданбалы өнердің тұнығынан сусындатып, өнерге қанат қаққан шәкірттерді шеберлік шыңына жетелеп, дұрыс бағыт сілтеу үйірме жетекшісі, көркем еңбек пәнінің мұғалімі Ү.Қилыбаевтың басты мақсаты.