Ата-аналар балаларды тәрбиелеу ісінде мектеппен қарым-қатынас

Ата-аналар балаларды тәрбиелеу ісінде мектеппен қарым-қатынас, тікелей байланыс жасауды басты міндетіміз деп есептеуі тиіс, өйткені, олардың өз балаларын тәрбиелеудегі жетістіктері сынып, мектеп ұжымдарының тәрбие жұмысының нәтижесіне байланысты. Бұл жағдай оқу-тәрбие процесінің мазмұнын, сапасын және тиімділігін жақсарту үшін отбасы мен мектептің ынтымақтастық жұмыс істеулерін қажет етеді. Мектеп-интернатымыздың оқушылары 3-ші тоқсанды аяқтап демалысқа шыққан болатын .Ата-аналарының ыстық құшағына барып, сағынысып көрісті. Мектеп пен ата-ананың тығыз байланысын орнату мақсатында біз олардың демалысты қалай өткізіп жатқанын білген болатынбыз. Наурыз мейрамын бірге өте жақсы көңіл күйде атап өткенін, ата-аналарының мейріміне бөленіп, қуаныштарында шек жоқ екендерін жеткізді. Сонымен қатар, мектепке де сағыныштарын білдірді. Оқушылардың мектеп өмірін сағынғандары бізді де қуантты.